Mizoram mamawh hrang hrang thlena New Delhi a cham mek Dr R Lalthangliana hian tehna hrang hrangah Mizoramin tih\hatna lai nei mahse, HIV/AIDS leh nausen thi leh nau chunga thihna tih tlem kawngahte tun aia \ha zawka hmalak a ngai tih World Bank hotute hi hrilhin an puihna a ngen a ni.
Commerce Minister ni bawk Dr R Lalthangliana hian sorkar laipui a Commerce & Industry Addl. Secretary Rakesh Sarwall pawh hmuin Indo-Bangla border-a Kawrpuichhuah leh Indo-Myanmar border-a Zokhawthar leh Zochachhuah-a hmalakna muangchang lutuk chu chakzawka hma la tura a duh thu a thlen a, Mizoramah rawn zin, a hmun ngeia hmalakna turte rawn en turin a sawm a ni.
Dr R Lalthangliana hian School Education & Literacy leh Higher Education hotute pawh hmuin Mizoram CSS Hindi Teacher sang chuang lakna tur an peih \ep thu an lo hrilh a ni.
