Assembly Budget \hukhawm neih meka zawhna leh chhanna hunah Dr. Thangtea hian, Finance Department-in corpus fund a enkawl avangin bank-a pawisa dah chungchang pawh an hriatpui loh thu a sawi a, hetihlai hian sum an mamawh ang te chu finance-in an pek \hin thu a sawi a, Finance Deptt-in hlawkna a hmuh tam theihna turin Bank rintlak ngeiah pawisa an dah ngei a rin thu a sawi. Dr. Thantea chuan, HIV/AIDS do kawnga hmalakna turah pawh tun hma atanga Budget head-a a hming chauha sum dah \hin chu Chief Minister-in Budget thar-ah la pawhkhawm turin cheng nuai 770 a dah sak tih sawiin lawmawm a tih thu a sawi a ni. Dr. Thangtea chuan, kum 2018 december thlaah health Care scheme Corpus fund-ah Rs 1,55,56,71,000 a awm tih a sawi a, kumin January thlaah Rs 2,05,56,71,000 a awm thu sawiin kum 2018 december thla hnuah Health Care Corpus fund cheng Vaibelchhe 50 chu Bank 3, Yes bank-ah vbc 20, Khatlaa Mizoram Rural Bank-ah cheng Vbc 15 leh Chanmari MRB ah cheng vbc 15 te dah belh a nih thu a sawi.
Health Care Corpus fund chungchang chu Chief Minister Pu Zoramthanga’n sawifiahin thu neihna an chan hmasak hun laiin ram chhungah health care kalpui an hriat vak loh laiin Mizoramah Asia Development Bank a\anga sum puk hmangin bul \an a nih thu a sawi a, hetihlaia pawisa an dah chu hman loha awmin kum 10 chhung dah belh loh in a awm tih a sawi a, tuna thuneihna an chan hnu hian corpus fund ah cheng vaibelchhe 150 vel a awm tih a sawi a, nikumah cheng vbc 50 dah belh a nih thu sawiin a vaiin cheng vbc 200 chuang a awm ta a ni a ti a, hmachawp turah cheng vbc 20 dah belh leh a nih thu leh sum tlingkhawm zat chiah erawh a sawi mai theih loh thu a sawi. Pu Rama chuan, Bank hrang hrang pawisa dah chu Healh Care society hminga dah a nih a rin thu a sawi a, nikumah sum an hman tam loh avangin kuminah cheng vbc 10 an dah tih a sawi a, hetihrual hian mamawh dan ang zelin pek zel theih tum a nih thu a sawi a ni.
