Sorkar laipui dawra Thawh\annia New Delhi a kal Dr. R. Lalthangliana hian Parliament kalphung zira Delhi-a cham mek Mizoram Journalist te leh I&PR Officer-te nizan khan New Delhi Mizoram House-ah zanriah a buatsaih sak a, an inkawmnnaah Health Minister hian, Mizoramah Doctor \ha tak tak awm mah se, natna engemaw bika thiamna bik nei awm lohna an la awm nual avangin Delhi bakah khawpui lian zuala damdawi in hotute chu Mizoram tan a bika ruahmanna siam tur leh Mizoram Doctor ten an Hospital-a training an neih theih dan ngaihtuah turin a ngen tih a sawi.
Mizorama Health Sub Centre te chu thuam \hat a, tihchangtlun a ni dawn tih Dr R Lalthangliana hian a sawi a, hemi atan hian mi 40 a bika training pek mek an nih thu a sawi.
Delhi Mizoram House-a Resident Commissioner, Pu Ajay Choudhry pawhin, Mizoram sorkar hnuaih thla 3 vel chauh hna la thawk mah se, Mizoram sorkar hotute chuan hnathawh tak tak an tum tih an thil tih dan atanga a hriat theih thu leh hlawhtlinna pawh an hmuh chhoh zel a beisei thu a sawi ve bawk.
Mizoram chanchinbumite hi parliament rorel dan leh hnathawh dan zirchiang tura kal an ni a, Lok Sabha Secretariat-a Parliamentary Research and Training Institute for Democracies buatsaih, trainingah hian Mizoram Journalist 15 leh I&PR Officer 5 an tel, training zingah hian ZONET Reporter, Samuel Lalruatsanga pawh a tel a ni. Training hi vawiin khan tluang takin an zo fel a ni.
