Health Minister hian hri leng laka mipuite an him theihna tura Kohhran hrang hrang hmalakna-ah lawmthu a sawi a. Kohhran thenkhat phei chuan fimkhur thil-ah Biakin inkhawm engemaw chen ti tawp rih hial tih sawiin, Kohhran memberte himna an ngai pawimawh chu Health Minister a nihna ang pawhin chhuanawm a tih thu leh hmalakna duhawm tak nia a hriat thu a sawi.
Health & Family Welfare Board Vice-Chairman Dr. Z.R. Thiamsanga pawhin Kohhran leh NGO hrang hrang ten sawrkar ngenna leh hmalakna te an \ha taka an thlawp \hin avangin lawmthu a sawi a. Chief Secretary Pu Lalnunmawia Chuaungo pawhin hriin Miozoram a luh lohna tura sorkar hmalakna te a hrilfiah a ni. Kohhran chanchinbu kartin chhuakah te COVID-19 laka invenna lam hawi inzirtirna tih chhuah nise an ti a, Inneihna leh Lungphun leh punkhawmna lam chi tih tlem rih a nih theih nan inkaihhruaina mumal tak MKHC in ruahman se an ti a ni.
