Health Minister, Dr. R. Lalthangliana hian vawiin khan Private damdawi in neitute chu \awngka leh ziaka lehkha thawnin Mizoram sorkar-in SEDP hnuaia Mizoram Health Care Scheme a duan chu an duh ang diak diak ni lo mah se, mipui harsatna hrethiama sorkar ruahmanna hi zawm ve turin a ngen a. He ngenna hi vawiin khan Non Government Hopsital Association of Mizoram chuan a ngaihtuah a, Minister ngenna hi tihhalwhtlin an remti a ni. Health Minister hnena Health Care Scheme zawm an remtih thu lehkha an pekah Non Government Hopsital Association of Mizoram chuan, ziak leh \awngkaa Health Minister-in Health Care Scheme zawm tura a sawmna chu zahawm an tih thu leh an harsatna sukiang tura a inhuamna chu an lawm hle tih an sawi a. February thlaa Assembly Budget Session neih zawh ve leha Health Minister-in an harsatna tawhte chinfel sak a tum avang leh hemi hma pawha buaina an tawk a nih chuan an harsatna sukiang turin a buaipui zel ring chungin Mizoram Health Care Scheme chu zawm an remti tih an hriattir a ni.
Hetihrual hian Non Government Hopsital Association of Mizoram chuan, an member zinga Hospital 18 Sorkar-in a pawmpuina a tihtawp lailawk sak chu a rang thei ang bera hlip turin Health Minister chu an ngen bawk. Puan tawh \hin angin Mizoram Sorkar-in mipuiten a thlawna inenkawlna an dawn theihna tura Mizoram Health Care Scheme a duan hi nikum October ni 1 khan hawn a ni a, he ruahmanna hnuaia Private damdawi in-a damlo enkawlna senso sorkar-in a bituk chu Private damdawi in \henkhatin an pawm thei lova, hun engemawchen sorkar leh private damdawi in hotute an inbiak hnuah pawh inremna an siam theih loh avangin Health Care Scheme zawm ve thei lo Private damdawi in 18 chu sorkar-in a pawmpuina a titawp lailawk a, heng damdawi in-a inenkawlte chuan an inenkawlna senso hi an Bill thei rih lo a ni.
