Nimina Union Health Minister Dr. Harsh Vardhan hova State hrang hrang Health Minister ten Video Conferencing hmanga hri leng dolet dan an thlir honaah Dr. Thangtea hian, Mizoramin ramdang nena inrina international border kilometer 722 laia thui a neih avang leh thenawm state hrang hrangah Covid-19 vei hmuhchhuah an pun zel avangin, screening test tih zung zung theih nan Covid19 test-na rang chi tam tawk Mizoramin a mamawh tih a sawi a, Mizoram district hrang hrangah Microbiologists leh Epidemiologists te mamawh belh an nih thu te, Basic Life Support Ambulance (BLSA) mamawh a nih thu te a sawi a, thawktute veivah zung zungna tur lirthei leh samples dah thatna Ice-lined Refrigerators emaw Deep Freezers emaw pek belh turin a ngen a ni. Dr. Thantea chuan, Sorkar laipui leh ICMR leh Pune a National Institute of Virology puihnain ZMC ah Covid 19 test-na khawl bunfel a ni ta chu lawmawm a tih thu a sawi bawk.
