Tripura-a Vanghmun khaw kum 100 tlin, Centenary vawiina lawmna inkhawmah sawiin Dr R Lalthangliana chuan, Zofate chu an chenna leilung ram hrang hrangah \hendarh nimahsela, an thinlung erawh chu leilunga ramri siam chawpin a \hen hrang thei ngai dawn lo a ni a ti a, Zofate luahchin ram rorelna pakhat hnuaia a awm theih nan leh Zohnahthlak hnam hrang hrangte inpumkhatna tura hmalak chu MNF sorkar thil tum pawimawh tak a ni tih a sawi a ni. Dr. R. Lalthangliana chuan, Zofa ram hrang hranga awm te dinhmun chu an ngaihtuahnaah a awm reng tih sawiin thuneihna an chan hmasaka Zoram pawna Zofate chungchanga an tih tur an tih tawk lohah sorkar leh party aiawhin thinlung takin ngaihdam a dil bawk. Dr. R. Lalthangliana chuan, Tuipuibari lam a\anga Zampuitlang panna kawng kal theih loha a awm chu MNF sorkar-in pawi a tih thu sawiin \ha taka a tlang leh theih nan hma a lak ngei a rin thu a sawi a, thuneihna an chan hmasaka Tuidam leh Rulchukkawn kawng \ha taka laih tlang tawh chu a nih tur ang a la ni lo nia sawiin Tripura sorkar-in a tih tur a ti ve se a duh thu a sawi a, hemi chungchang hi Tripura sorkar sawipui a tum tih a sawi bawk. Dr. R. Lalthangliana hian Vanghmun khaw kum 100 tlin lawmpui nan Rs. 30,000/- a pe a ni.
Vanghmun khua hi Sailo lal ropui Suakpuilala Fapa, Dokhuma Sailovin kum 1919 khan a din a. Tun dinhmunah in 300 vel awmin mihring 1,000 chuang an cheng a ni. He khua a\ang hian mithiam engemawzat an chhuak tawh a ni. Centenary lawmna hi January ni 3 khan Behliangchhip a\anga Centenary meichher lain hman \an a ni a, vawiin khan a lawmna pui ber Vanghmun khelmualah ruai nen an lawm a ni.
