Union Human Resources Development Minister, Prakash Javadekar hmu-in Mizorama College zirtirtuten UGC Pay norms anga an hlawh an hmuh thuai theih dan tur te, College hrang hrang hmasawnna ruhrel siam\hat dan tur te a sawipui bakah SSA leh RMSA hnuaia hmalaknaa harsatna tawh te, RUSA hmalakna te, CSS Hindi teacher 1,187 bân tawhte rawih an nih dan tur leh SCERT leh DIET-in harsatna a neihte sutkian dan tur chungchangte a sawipui a ni.
Dr. R. Lalthangliana hian Food Processing Industries Secretary, Pushpa Subrahmanyam pawh hmu-in Mizorama thil siamna lam tihchangtlun dan tur leh juice manufacturing unit din dan tur a sawipui a, Health Secretary Preeti Sudan pawh hmu-in MIMER tihchangtlun zelna tura Mizoramin sum a hmuh belh theih dan tur te, Zemabawka Cancer Hospital tihchangtlunna tur TCCC project atana sorkar laipuiin sum a la pek loh a pek vat theih dan tur leh, National Health Mission lama hmasawn zel dan tur te a sawipui a ni.
Dr. R. Lalthangliana hian DoNER Secretary, Naveen Verma pawh a pisaah hmuin Mizoramin Cancer Superspeciality Hospital & Research Centre a mamawhna leh neih theih dan tur te leh district hospital hrang hrang tihchangtlun dan turte a sawipui bawk.
