Assembly Budget Session zawhna leh chhanna huna Congress member Pu KT Rokhaw zawhna kalzelah Congress member vek Pu Zodintluanga’n Khawzawl, Saitual leh Hnahthial District thar din turin a huam chin tur siam fel a nih tawh leh tawh loh a zawhna chu Dr R Lalthangliana hian Chief Minister aiawhin a chhang a, District Boundary siam fel dan tur hi sorkar chuan ngun takin a ngaihtuah mek a ni, a ti. District thar 3 din tur hian sorkar chuan chak takin hma ala mek tih sawiin, Dr. R. Lalthangliana chuan, tunah hian DC, SP leh Treasury hmun turte tihfel thawkhat a ni tawh tih a sawi.
Mizoram sorkar hian June ni 3 khan hriattirna ti chhuakin Hnahthihal, Khawzawl leh Saitual District awptu tur Deputy Commissioner office hi din a nih thu a lo puang tawh a, heng khaw pathuma Civil Sub Division awmlai mek te pawh nuaibo nghalin DC office thar hian a thlak nghal vek tawh a ni.
Mizoram sorkar hian District thar 3 tihpuitlin nan hian Budget-ah Rs. nuai 150 \heuh a dah bakah a enkawlzuina tur Rs. nuai 855 a dah bawk a. Heng District thar 3-ah hian kumin August ni 15-a ram zalenna champha lawm turah DC-te chu hnam puanzar pawh pharh tir hman tum an nih thu Chief Minister Pu Zoramthanga chuan a lo sawi tawh bawk a ni.
