Covid-19 dona kawnga Health Dept leh a kaihhnawihte hnathawh dan leh hmachhawpte vawiin khan Aizawlah thlir ho a ni a, Dr Thangtea hian Health kaihhnawiha thawktu zawng zawng, sawrkar hnuaia thawk te leh private-a thawkte inpekna fakawm a tih thu a sawi a. Tun dinhmunah ral hmatawnga beitute an nih avangin an thawhrim zia leh hahzia pawh a hriatpui tih a sawi.
Hrileng beihletna kawnga hmalak dan thlirletna leh hmachhawp mek sawihonaah hian COVID-19 Medical Operational Team Chairman Dr. Thiamsanga, leh Prof. F.Lalnunmawia, MLA te bakah Chief Secretary Pu Lalnunmawia Chuaungo, Health Secretary Pu Lalengmawia leh State Spokesperson on COVID-19 Dr. Pachuau Lalmalsawma te pawhin thu an sawi. Indian Medical Association Mizoram State Branch aiawh te, Non-Governmental Hospital Association of Mizoram (NGHAM) aiawh te leh Mizoram Government Doctors Association aiawh te pawh an tel a ni.
