Civil Hospital-in MJA free medical Health Checkup a buatsaih sak tur a hawnnah Dr. Thangtea hian, Truma Center chu District Hospital dangah sak a ni tawh tih a sawi a, Aizawl bik erawh chu a sakna hmun tura ruahmamnah tui pipe leh telephone leh hrui dang inzam chinfel ngai a awm vangin hna a la thawh \an theih loh a, \an theih thuai beisei a ni a ti.
Doctor leh thawktu dang te quarters awm lo chungchang a vei thu Dr. Thangtea hian a sawi a, Quarters awm loh vangin rikrum thila specialist ten damlo an en a \ul changin darkar a vei hman \hin a, hei hi thil pawi tak a nih avangin thawktute chenna tur quarters sak na tur Project siam a nih thu a sawi.
Dr. Thangtea chuan, Civil Hospital ICU neih mek chu tihlen tum a nih thu pawh a sawi a, a hmunhma te pawh enfel mek a nih thu te, Zemabawka Cancer Hospital a Cancer hemna khawl upa tawh tak thlakna tur khawl thar cheng vaibelche 14-a lei fel tawh a nih thu te, a dah na tur siam mek a nih thu leh peih fel thuai an beisei thu te a sawi.
MJA President Pu Zonunsanga khiangte pawhin thusawiin journalist \ha ni turin hrisel a ngai tih a sawi a. Chumi atana CHA in duhsak taka health checkup an neihsak \hin chu lawmawm a tih thu a sawi.
Inkhawm kaihruaitu Medical Superintendent Dr Lalhmuchhuaka chuan, MJA member te hriselna a thawna endik hi kum 2009 atang khan kalpui a lo ni tawh tih a sawi a, an damdawi In chu ISO leh National Quality Assurance Standards Certified a ni mek tih a sawi. Dr Lalhmuchhuaka chuan, Hospital chu kum 300 awm theihna tura tih len chhoh mek a nih thu a sawi a, tun hnaiah khum thar 100 an neih thu te, Dental Deptt. ah ha lam enkawlna hrang hrang dah thar a nih thu te, Ruh, Ortho lamah pawh hnungzang ruh zai thei tura hmalak a nih thu te, inzaina hmanrua tihthianghlimna bun thar a nih thu te, CT Scan \ha lo pawh Minister hmalaknain siam that a nih leh tawh thu te, kal \ha lo te enkawlna Dylisis khawl pawh tih changtlun chhoh zel a nih thu te a sawi.
