Hemi chungchanga ZONET zawhna chhangin Dr. R. Lalthangliana chuan, SEDP chu felfai taka kalpui an tum tih a sawi a, sorkarna an din fel chauh avang leh thil tih fel ngai tam tak a awm avangin hemi chungchanga ruahmanna siam tur hian chak takin hna an thawk thei rih lo niin a sawi a, SEDP tihpuitlinna tur sum ruahman dan tur chungchang hi Chief Minister Pu Zoramthanga hovin an ngaihtuah thuai a rinthu a sawi a ni. Dr. R. Lalthangliana chuan, SEDP chu Congress NLUP ang a nih loh thu a sawi a, mipuite leh ram dinchhuahna tur tam tak a awm tih sawiin felfai taka kalpui an tum thu leh hmalak ran ngai chi leh hun duh deuh chi te a awm dawn avangin hlawhtling ngei turin hma an la dawn niin a sawi. Dr R Lalthangliana chuan a Department enkawl chu a zirchian mek thu a sawi a, sorkar hmasa-in damdawi in \henkhata hman tur hmanrua a lei te chu \ha zawk leh mumal zawka a enkawl a nih theih nan ngaihtuaha enzui a ngai dawn nia sawiin, Mamit District damdawi in chu changtlung zawka thuam a nih theih dan tur pawh ngaihtuah a nih tur thu a sawiin a department enkawlte chu theih tawpa tihhmasawn a tum thu a sawi bawk.
