Sorkar thuchhuah tarlan danin Covid 19 Medical Operational Team hi Health & Family Welfare Board Vice-Chairman Dr. Z.R Thiamsanga’n a kaihruai dawn a, he team hnuaiah hian Medical Team leh ICU Team a awmn dawn a ni. |hutkhawmnah hian damdawi lam thawktute invenhimna tur thawmhnaw, Personal Protective Equipments (PPE) 13,000 units chah a nih thu tarlan a ni a, PPE in Mizoram a thlen thuai theihnan a \ul apiang sorkarin a bawhzui thu te, COVID-19 vei enkawl nana World Health Organization-in inkhaihhruaina a siam anga PPE hi hman a nih tur thu te sawilan a ni a. COVID-19 vei enkawl nana khawvelin damdawi a hman- Chloroquine Phosphate, Hydroxychloroquinine, Azithromycin te chu mahni thua lo ei lawk lo turin mipui an ngen a, damdawi hi sorkarin a neih sa bak a tam thei ang lei belh an rel a ni.
Hemi hnu hian Health Minister ho veka Health & Family Welfare Board \hukhawm chuan, COVID-19 enkawlna hmun atan Zoram Medical College chu an puang a, hmalak dan tur kimchang protocol procedure siam turin Health & Family Welfare Board Vice Chairman Dr. Z.R Thiamsanga hovin damdawi lam thiamte ruat an ni. (Rsa)
Hetihlai hian Ministry of Health & Family Welfare thurawn angin State Referral Hospital, Falkawn leh Zoram Medical College Task Force buatsaihin COVID-19 hrileng vanga damlo te enkawl dan tur a taka tih chhinna Mock Drill vawiin khan neih a ni bawk.
