Meeting kaihruaitu Dr R Lalthangliana chuan, MNF sorkar programme pawimawh ber, Socio-Economic Development Programme-ah hriselna an ngai pawimawh hle tih a sawi a, mipui an lo hrisel zawk nan natna laka invenna lamah nasa zawka hmalak a ngai dawn tih a sawi a, mipui te an lo hrisel chuan inenkawlna senso kalral tur nasa takin a hum theih dawn a ni a ti.
Health minister chuan, Mizoram chu HIV vei leh Cancer natna tamna ber State a ni chu pawi a tih thu a sawi a, heng natna doletna kawngah uluk zawka ruahmanna siam a ngai dawn a ni a ti a, hma lakna reng reng chu ziktluak tak a ni tur a ni a ti.
Meeting-ah hian Department hmachhawp leh harsatna a tawhte sawi ho a nih bakah sutkian dan tur te sawiho a ni a, Meeting hi Secretary Pu Lalrinliana Fanai in a kaihruai a, Principal Director Dr F Lallianhlira, NHM Mission Director Dr Lalrozama, leh District hrang hranga Dept hotute an tel a ni.
