Dr. Thangtea sawi danin, COVID 19 Testing Laboratory din dan tur ngaihtuah tura Mizoram Sorkar-in Core Committee a dinah Technical lama hriatna zau tak nei vek telh an ni a, anniin \ha an tih tlan anga ruahmanna hi kalpui a ni a ti a. ZMC-a Microbiology Department-in engkim an enpui bawk avangin rin tlak tura ngaih a ni, a ti. Ruahmanna kalpui a nih tirh a\ang khan Core Committee leh ZMC-a Microbiology Department chu \ha an tih tlan dan ang bera thutlukna siam tur leh an lungawi tlanna baka innawr lui lo tura hrilh an ni tih Health Minister hian a sawi a, chutianga hma an lak hnuah Indian Council of Medical Research-in inkaihhruaina a siam zawm a, National Institute of Virology-in a pawmpui thlap a nih avangin rin tlak tura ngaih a ni a ti.
