Minister hi damdawiina thawktuten lo dawngsawngin ward hrang hrang leh ICU leh Laboratory te an fang a, thawktuten harsatna an neih leh mamawhte Minister hnenah hian an lo thlen a ni. Hemi hnua inkawm hona an neihah Health Minister chuan, thuneihna an chan laia Referral Hospital tur bul an \an tirha an ngaihtuahna awm phak lo thil thar tam tak, khawvel thiamna leh technology hmasawnna in a ken a awm tawh tih a sawi a, thil \ha leh \angkai tam tak tih belh tur pawh a awm tih sawiin ICU-a Oxygen khawl \ha lo pawh rang taka siam \hat a nih tur thu a sawi. Dr R Lalthangliana chuan, Referral Hospital tihchangtlun zel kawngah sorkarin theihtawp a chhuah dawn tih a sawi a, thawktute chu an damlo enkawlte tana thlamuantu leh beiseina petu an nih theih nan theihtawp chhuah tur leh tunlai thiamna ban pha zel tura inzir turin a fuih a ni. Dr R Lalthangliana hian Hospital a damlote pualin Krismas leh Kumthar chibai bukna atan Rs. 10,000/- a hlan a ni.
Health Minister hi Excise & Narcotics Department Minister Dr. K. Beichhua, Aizawl South III bialtu MLA Pu F Lalnunmawia leh mipawimawh dangten an \awiawm a ni.
