Health & Family Welfare Deptt. National Health Mission leh Economics and Statistics Deptt.-a Registration of Births and Deaths te buatsaihin damdawiin-a mitthi te chhinchhiah fel dan chungchang Medical Officer te Aizawlah zirtir an ni.

Mitthi te thih chhan dik tak, International Classification of Diseases – 10th Edition anga chhinchhiah fel dan tur leh certificate pek chhuah dan tur te an zirho a, Ministry of Health and Family Welfare leh Registration of Births and Deaths duhdan anga nau piang, thi saa piang leh mitthi zawng zawngte kim taka report a nih theih dan tur te an zirho a ni. National Health Mission Director, Dr. Eric Zomawia chuan Civil Registration tih theihna turin sorkar damdawi in 88 leh mimal damdawi in 22-ah Registration of Births and Deaths Units hawn a ni tawh tih a sawi.