Dr. R. Lalthangliana hian Mizoram Sorkar-in Kolkata-a Mizo damlo a thawn \hinna damdawi in hrang hrang; Apollo Hospital, AMRI Hospital, Birla Hospital leh MEDICA Hospital te tlawhin, an hotu chu Mizoram a\anga damlo thawn zinga \henkhatin harsatna an tawh \hin te sutkian dan tur a sawi pui a. Mizo damlo \henkhat chu khawsak harsa ve te te an nih avangin an chungah khawngaihna lantira, hmangaihna nena an lo enkawl a \ul thu a hrilh a ni.
Mizoram Doctor, Nurse leh Laboratory Technician-te tan a thlawna Short Term Training Course pe tura a ngenna chu hospital \henkhat hotu a kawmte hian an rem tih thu Minister hi an lo hrilh a. Hospital \henkhat chuan Aizawla Free Medical Camp an buatsaih tur thu leh an Hospital-a thawk turin Mizo Doctor leh Nurse te chu duhsak an nih tur thu te Dr. R. Lalthangliana hi an lo hrilh a ni.
