Sawihona kaihruaitu Health Minister Dr. R. Lalthangliana chuan, Mizote khawtlang nun, chhungkua leh mimal nunah kohhran chuan hmun pawimawh tak a chang tih sawiin, HIV darh mek venna hnathawh pawh kohhran thawhpuina tel lo chuan MSACS hmalakna ringawt hmanga thawh sen a ni lo tih sawiin, he natna pung zel hian ram leh hnam a nghawng dan tur chu Kohhran pawhin ngun taka an ngaihtuahpui a ngai ta a ni, a ti.
MSACS Project Director, Dr. Lalthlengliani pawhin HIV lama Mizoram dinhmun hrang hrang a tarlang a, MSACS chhinchhiah danin Mizoramah HIV hrik pai 19,631 hmuhchhuah an ni tawh a, kum 2018-19 chhung khan ni tin mi 9 aia tam HIV hril kai thar hmuhchhuah ziah ang an ni a. Heng zingah hian ruihhlo ngai leh hmeichhia mahni inzuar \hinte aiin mipui mimir zingah HIV hrik pai hmuhchhuah hi an tam zawk a. HIV hrik pai hmuhchhuah zingah mipat hmeichhiatna a\anga kai mi 11,827 awmin za zela 66.08 an ni a, inchiuna hriau thianghlim lo inhman\awm a\anga kai mi 5,040 awmin, zaa 28.16 an awm a ni thung a.
Tun dinhmunah Mizoram hi India rama state hrang hrang zingah mipui cheng zat a\anga teha HIV kai tamna ber a ni mek a, kum 15-49 inkarah mi 100 zelah mi 2 aia tam HIV hrik pai awm anga chhut a ni.
