Hausa lutuka puh vangin Pakistan Finance Minister bang

Pakistan Finance Minister, Ishaq Dar-a chu hausa lutuka puh a nih hnuah a bang a, a hna chanpual hi PM, Shahid Khaqan Abbasi-a kutah a awm a, Finance Minister tur dap mek a ni. PM office thuchhuakin vawiin khan Finance Minister ban thu hi a nemnghet a, hemi hma hian hlemhletna dona lam thubuai ngaihtuahtu court chuan Ishaq Dar-a thubuai hi a ngaihtuah a, Dar-a hi lung lam natna avangin London-ah a inenkawl mek a ni. Tun thla ni 14 kha he court-a inlan tura koh a nih vawi li-na a ni a, a inlan loh zel avangin khami ni khan bail theih lohva manna tur thup>k chhuah a ni a, puan tawh \hin angin, Ishaq Dar-a hi PM bang ta, Nawaz Sharif-a kutke leh a hnungzuitu hnai tak a ni. Panama papers chungchanga July ni 28-a Supreme Court thuchhuak zulzuiin National Accountability Bureau chuan Dar-a hi a lak luhna hriat theih loh hausakna neiah a ngai a, Pakistan, UAE leh United States-ah thil tam tak, dollar mtd. tam tak hu a nei a, hei hi chhiah lama thuneitute hnenah a puang bawk si lo a ni. Geo News channel sawi danin, tun kar tir lamah khan Dar-a hiuan a banna lehkha chu PM hnenah a thawn a, PM thupuangtu, Musadik Malik-a pawhin Dar-a hi a hrisel lohna avanga ram danga a inenkawl mek avangin, dan ding lai angin Finance Ministry chu PM kutah a awm tih a sawi.