Heng khaw 11, Ramlaitui, Sekhum, Mual\huam North, Haulawng, Mausen, Chengpui, Zotuitlang, Hmuntlang, Bualpui “V” Chhipphir leh Ralvawng Village Council te hian vawiin khan Haulawngah Joint Meeting an nei a, Mizoram sorkarin District thar pathum a hawn turah District thar piang tur Hnahthial District-a awm an duh loh thu leh Lunglei District-a awm zui zel an duh thu Resolution an pass a ni.
Joint Meeting-ah hian Village Council hrang hrangte chuan hemi hmalam hian an huam chhung \heuha tlawmngai pawl hrang hrang leh Political Party hruaitute ko khawmin Hnahthial District-a awm hi an duh loh thu an lo rel tawh a ni.
Khaw 11 VC te hian Hnahthial District-ah sorkarin a rinlut lui a nih chuan a tawp thlenga dodal nise an ti a, an resolution pass-ah hian khaw 11-a VC President \heuh ten hming an ziah hnan a ni.
