Khattar chuan khaw hrang hrang hruaitute chuan zu dawr hawn an duh loh thu resolution chu a huhova siam, sorkarah an resolution chu an thawn tih a sawi a, sorkarin hmalakna tur a duan 101 zingah an state a\anga zu tihbo chu a tel tih a sawi bawk.
Nikum November ni 27 khan Haryana state legislative assembly \hutkhawm neih a ni a, kha mi \um khan Haryana Panchayati Raj (Second Amendment) Bill hnuaiah khawtlang kaihhruaitute chu an kaihhruai khaw huam chhung \heuha zu dawr tihtawp tur chungchangah an ngaihdan sorkara thlen tura tih an lo ni tawh a ni. —————-
Defence Minister, Rajnath Singh-a’n DefExpo-ah inremna thuthlung 200 chuang ziah a ni tawh tih sawiin, kum 2024-ah chuan ralthuam thawn chhuah kawngah US dollar tluklehdingawn 5 target chu India-in a hlen thei dawn tih a sawi.
Lucknow-ah DefExpo-2020 neihah Rajnath Singh chuan thu sawiin, kum 2018-19-ah sipai ralthuam India-in a siam, ram danga thawn chhuah chu cheng vbc 10,745 hu a tling tih a sawi a, kum 2016-17 aia nasa taka an \han vangin kum 2024-ah phei chuan an target chu an hlen thei dawn tih a chiang tawh hle tih a sawi.
Hetihlai hian Uttar Pradesh Chief Minister, Yogi Adityanath chuan DefExpo-ah UP-in MoU 23 a ziak tih sawiin, hei hi UP Expressways Industrial Development Authority kaltlanga ziah a ni a ti a, MoU a\ang hian sum peipun cheng vbc 50,000 vel an hmuh theih a ring tih sawiin, hna thar nuai 2 sing 5 a\ang nuai 3 vel an siam thei dawn niin a sawi bawk.
