France ramah hian tuialhthei a\anga chhiah lak tih san leh mipui nawlpui khawsakna senso sang chak lutuk avangin mipuiten sorkar laka lungawi lohna an lantir a, an ram television hmaa thu sawiin, Macron chuan tharum thawha chetna chu a dem thu a sawi rualin hnathawktute lungawi loh chhan chu a hriatthiampui thu leh thil tih awm tak a nihna chin a awm thu a sawi a, hei vang hian hnathawktute hlawh hniam thei ber, Minimum wages chu thla khatah Euro 100 ah tihpun a ni dawn tih a sawi.
Hei bakah hian mi rethei zualte chu chhiah awl an ni ang a, hnathawh hunbi pela thawkte hlawh chhuah a\anga chhiah lak tih tawp a ni ang tih a sawi bawk a, hetihrual hian hnathawh tur tam zawk a awm theih nan hausakna a\anga chhiah lak \hin erawh chhunzawm a remchang dawn lo a ni a ti.
Minimum wages tih punna tur hi za zela chhuta 7 a ni a, hei hi a ruaitute pek tur ni lovin sorkar tum tur a ni ang. Minister Olivier Dussopt sawi danin hemi avanga sorkar sum sen belh tur chu euro tluklehdingaw 8 a\anga 10 inkar vel a ni ang.
