Palestinian mi firfiak pawl, Hamas chuan kum 10 vel a lo awp tawh, Gaza chu thla leh ni 1, Zirtawpni hian inremna lo siam tawh tlawhchhanin a chhuahsan dawn a, helai hmun hi Palestinian sorkar, Palestinian National Authority thuneihna hnuaiah a awm tawh dawn a, amaherawhchu hel 25,000 vel telna, Hamas sipaite chuan an ralthuam dah an tum loh vangin PNA pawh hian civil mite lam kaihhnawih thil bak chu a buaipui thei dawn lo nia sawi a ni. President Mahmud Abbas-a kaihhruai pawl, Fatah hruaitute pawhin thuneihna inhlan chhawn chungchanga an hmasawn chak lo lutuk hi an lo sawisel fo tawh \hin a, hetih rual hian Hamas-in PNA hnena thuneihna hlanchhawn a remti hrim hrim pawh hi Palestinian-te tan chuan thil chhinchhiah tlak leh lawmawm taka ngaih a ni a, an harsatna tam tak a sut kian theih an beisei a ni.
Chanchin Thar Hamas ten Gaza bial chhuahsan dawn
