Court sang ber hian Union Transport Minister Nitin Gadkari chu harsatna chinfel kawnga hmala theitu ber tur a ni a ti a, ngaihtuahna \ha tak a neih an rin thu sawiin court-a kal-a harsatna chinfel dan ngaihtuahpui turin a sawm tih Chief Justice SA Bobde chuan a sawi.
Sorkar aiawha ding ukil chuan politics thilah miin an ngai palh thei ang tih a hlauhthawn thu a sawi a, Chief justice Bobde chuan Transport Minister chu an ko tihna ni lovin, boruak bawlhhlawh vanga harsatna thleng chinfel dan ngaihtuahpuiah an sawm mai a ni zawk tih a sawi a, thuneitu, hmala theitu tur a nih avangin court chuan lengah a sawm a ni a ti.
Lirthei vanga boruak bawlhhlawh ti tlem tura ngenna lut chungchang supreme court hian a ngaihtuah a, ngenna thehluttu hian Petrol leh Diesel hmang chi lirthei a\anga chhiah la-a electric vehicle-ah te subsidy pek nana hman a rawt a ni.
