Hunpui vuak veta halpuah leh halmawi lam chi leh silai mu lem nei chi zawrh leh hralh khapna bawhzui dan tur ngaihtuahin vawiin khan Home Minister, Pu R. Lalzirliana hovin a pisa-ah mi pawimawhte an \hu khawm a, he khapna thupek hi kum dang zawng aia uar leh khauh zawka lek kawh a nih tur thu leh mipui hnena zau zawka zirtir a \ul thu, Home Minister chuan a sawi a. A bikin halpuah leh halmawi lam chi chu mihring hriselna atana \ha lo, boruak chhia thlentu a nih avangin Supreme Court pawhin a khap tih sawiin, state dangte entawntlak khawpa \an lak a \ul tih a sawi. He khapna thupek hi zau zawka puanzar a nih theih nan School Education leh Higher & Technical Education Department chu zirna in hrang hranga naupangte zirtir tur leh Mizoram Kohhran Hruaitute Committee pawh kohhran tina puangzar tura ngen an ni a. District hrang hrang Bawrhsap-ten an huam chhung \heuhah halpuah leh halmawi lam chi leh silai lem, a mu kap chhuak thei chi lak luh leh hman khapna thupek hi an tichhuak tawh hlawm a, sorkar check gate tinah pawh hriattir a nih b^kah, BSF leh Assam Rifles pawh ramri a\anga heng thil hi lak luh a nih loh nana venpui tura ngen an ni bawk. Kum dangah in chung zawla halpuah leh halmawi lam chi hal an awm \hin nia sawi chu a reh theih nan a haltu chauh ni lovin, a halna in neitute pawhin mawh an phur dawn tih he sawihonaah hian tarlan a ni a, District tina DC leh SP te chu an huam chhunga Village Council leh tlawmngai pawlte nena \angruala veng leh khaw tinah khapna thupek hi puangzar \an tura beisei an ni a. Aizawl khawpui huam chhungah pawh AMC hmangin Local Council-te chu he thupek hi mipuite hnena puang zar tura hriattir an nih bakah social media lama thehdarh turin halpuah hal \hat lohzia inzirtirna Vedio Clip siam ni se an ti a, a buaipui turin ICT, I&PR leh Central YMA te an ruat nghal a ni. He sawi honaah hian Home Department hotute, District tin Bawrhsap leh SP aiawh te, Taxation, AMC, ICT, Fire & Emergency Services leh Central YMA hotute an tel a ni.
