Thuchhuan an siamah Congress \halai hian kum 2016 November ni 8-a BJP kaihhruai Sorkar laipuiin cheng 1,000 leh 500 note a tih thih vanga ram sum leh pai dinhmun tlahniam zel chuan thil siam chhuahna industry lian leh tenau nghawngin an tlakchhiat phah a, hnathawktu tam tak ban an nih phah tih an sawi a.
Centre for Monitoring Indian Economy zirchianna a\angin lirthei siamtute pawhin economy tlachhia hi an tuar a, hnathawktu nuai 3 leh sing 5-in hna an chan a, Indian Railway hnathawk mi nuai 3 chuang chawlh tir tum mek niin, sipai 27,000 zet chawlh tir tum mek a ni a.
National Crime Bureau-in a tarlan danin, ram pumah darkar hnih dan zelah hnathawh tur neih loh vanga intihlum mi 3 zel an awm a, Kum 2018 chhung ringawt khan hnathawh tur hmuh loh avanga mahni intihlum hi mi 12,936 an tling hial a.
CMIE chuan, kum nga kal ta chhung khan \halai hna nei lo mi vaibelchhe 5 an tlin thu a tarlang tih an sawi. Congress \halai chuan, kum 2018 chhungin India rama hmeichhia nuai 88 chuangin hna an nei lo tih sawiin, kum 2014-ah UPSC kaltlanga hnalak \hin zinga seat 1,364 awm tihtawp a ni a, kum 2018 ah seat 759 tihtawp a ni leh nia sawiin, SSC tiamin Competitive exam result engemawzat tih khawtlai a nih thu tarlan a ni a, sorkar laipui hnuaiah pawh hnaruak nuai 7 a awm tih an sawi a.
BJP kaihhruai sorkar laipui hnuaiah India economy a tlachhiat piah lamah unemployment rate chu kum 45 chhunga a san ber \um a thleng mek chu pawi an tih thu Congress \halai hian an sawi a. Heng chhan hrang hrang vanga BJP Economic Policy an duh lohzia entirnan Indian Youth Congress kaihhruaina hnuaiah National Register of Unemployment siam a ni dawn tih sawiin, hei hi an thlawp tih lantir \heuh turin hnathawh tur awm lo veitu zawng zawngte an sawm a ni.
