Kangmei chhuah chhan hi chhui chian mek a ni a, thawktute leh naupang awm mekte sawi danin electric a awm loh avangin sathaukhawnvar an chhi a, hemi a\anga in\an hi a nih rin a ni. Naupang enkawlna hmun hi US-a inkhuar Christian pawl pakhat enkawl a ni tih Institute for social welfare director chuan a sawi a, a dintute hian phalna an nei lo a, kengmei chhuah lai hian naupang 60 vel an awm a ni.
Naupang dam chhuakte hi hmun himah sawn rih an ni a, an chhungte hnena hlanlet theih an ni em tih enfiah an ni dawn tih Haiti thuneitute chuan an sawi.
Kangmei chhuahna hmun hi an khawpui Port-au-Prince bulhnai, chhim lam hreta awm a ni a, police te sawi danin naupang pahnih chu an kanghlum a, a dang 13 te chu damdawiin thlenpui hman ni mahse, meikhu an hipluh nasat lutuk avangin chhan theih an ni lo a ni.
