Assembly inthlanpui chu a zo tawh a, hetah hian MNF chu hneh taka thlan tlin an ni tih sawiin, tuna inthlan an hmachhawn tur chu Parliament-a Mizo mipui aiawh tur MP thlanna a nih tawh avangin Central a BJP kaihhruai NDA duh lo a piang chu Pu Lalnghinglova Hmar vote turin a sawm a ni. Pu Lalrindika Ralte chuan, tunah hian BJP kaihhruai NDA chu a sorkar zo tawh dawn lova, Congress kaihhruai UPA a sorkar tawh dawn niin a sawi a, Mizoramah MNF Candidate chu lo tling pawh ni se eptu pawl lama a \hut dawn avangin vote loh a \ha a, MNF an tling a nih pawhin MP Fund a tam phah dawn lo a, ZPM leh Congress thlawp chu tling pawh ni se a MP fund chu a tlem phah dawn lo tih sawiin, Delhi lama sorkar tur chiangsa Congress leh ZPM thlawp candidate vote mai chu a fin thlak a ni, a ti. Hachhek Bialtu MLA chuan, MNF chu mipui vote chauh duhah puhin, sum leh paia an thlem a nih pawhin zahawm taka lo hnar ngam turin a bial mipuite a chah a, sum leh pai emaw, therhlo eng emaw hmanga vote an hralh chuan an zahawmna an hloh a, an vote lei nana thil petuten an zah chuang lo tih sawiin, thlerhlo hmanga an thlem a nih pawhin an mahni zahawmna vawnghim turin a chah a ni.
Pu Lalrindika Ralte hian kar kalta chhung khan New Eden, Tumpanglui, Thaidawr leh Mual\huam khuate a lo tlawh tawh a ni.
