Gujarat-a police te kuta thihna thleng chhuichiangtuten phek 229-a chhah report kimchang Supreme Court-a an thehluhah inbeihna pathumte chu chan chawp a ni tih an tarlang a, police pakua te inhnamhnawiha puh an ni.

Heng thubuai chhui chian 17 zinga pathumte chu police te chanchawp a ni tih Supreme court committee kaihruaitu Justice HS Bedi kaihhruai chuan tarlangin police ten an kuta awm tawh mi pathum an tih hlum thuah police 9 te chu an inhnamhnawih tih tarlan a ni. Supreme Court chuan kum 2002- leh 2006 inkara Gujarat-a inbeihna thleng te chhuichiang tur hian Supeme Court Judge hlui Justice Bedi kaihhruai committee chu a ruat a, an thil chhui chianna report tlangzarh rih lo tura Gujarat sorkarin kumin january ni 9-a a ngenna chu Court hian a lo hnawl tawh a ni. Chanchinbumi pakhat BG Verghese chuan kum 2007 khan Supreme Court ah PIL thehlutin heng thubuai chhui chiang tur hian a ngen a ni.