An hna chanpual siksawite chu MJS Grade-I Officer 5 leh Grade-II Officer 11 an ni a, Lunglei District and Sessions Judge, Pu R. Thanga chu Aizawl District and Sessions Judge-a awm tura tih a ni a, Aizawl District and Sessions Judge, Pu Joel Joseph Denga chu Lungleia awm tura tih a ni thung. Siaha Fast Track Court Judge, Dr. HTC. Lalrinchhana chu Aizawla Additional District and Sessions Judge-ah sawn a ni a, he hna chelh mektu, Pu R. Vanlalena chu Champhaia Additional District and Sessions Judge atan sawn niin, Aizawl District Sr. Civil Judge, Chief Judicial Magistrate nibawk, Pi R. Vanlalchami chu Siaha Fast Track Court Judge-ah sawn a ni thung. An ni bakah hian MJS Grade-II Officer 11-te hna chanpual siksawi a ni bawk.
