Kum 2015 a\anga kumtin a an lo hman thin, Green LADC Day chu vawiin khan Lawngtlaia Lai Autonomous District Council Office puia thawk ten hmangin thing\iak an phun.
Thing\iak phun hmaa inkhawmtawi, Chief Executive Member Office tual a neih ah, CEM mawhphurhna la mektu, LADC Executive Member Primary School enkawltu Pu C.Lalneihkhuma chuan, ramngaw humhalh a, thingphun belh uar deuh deuh chu mahni leh tu leh fa te tana khawvel siamna tur a ni a ti a, Council hnuaia thawkte chu midangte zirtir kawnga \an la thar turin a chah bawk.
Hemi hnu hian LADC a Environment, Forest & Climate Change Department ten Lawngtlai leh Mampui inkar, kawngkam a thingphunna tur a an ruahmansaah thing\iak phun a ni a, LADC Office puia, Department hrang hrangte chu hlawm hrang hrangah in \henin hlawm khatin thing\iak 20 zel an phun a, Central YLA leh Lairam Isua Krista Baptist Kohhran |halai Pawl te pawhin thing\iak hi an phun ve bawk a, a vaiin thing \iak 270 an phun a, uluk takin an hung nghal vek bawk a ni. Kumin Green LADC Day pual hian thingtiak 470 phun tur a ruahman a ni a, vawiina phun bak chu LADC a Environment, Forest & Climate Change Department leh Lairam Isua Krista Baptist Kohhran |halai Pawl ten ramngaw leh nungcha humhalh kawnga thawhdunna thuthlung an siam bawhzui nan Lairam Isua Krista Baptist Kohhran Thalai Pawl te leh Khawpui chhung a Zirna In hrang hrang ten an phun dawn a ni.
Green LADC Day pual a thingphun hnatlangah hian LADC a Executive Member, Environment, Forest & Climate Change Department enkawltu Pu KC. Malsawmdawngliana bak ah sorkar hotu pawimawh dangte an tel a ni.
