Mi tam tak kangmei hlaua tlan chhia te chu tuipuiah an zuang lut a, chin hriat lova bo te hi chhanchhuah hna thawktute chuan an zawng chhunzawm zel a, thli thawin kangmei hi a ti vung zual a, mi tam tak chu an chenna in leh an lirthei ah te an tangkhang a, kangmei chhuak hi Greece ram chanchinah a rapthlak bera ngaih a ni. Prime Minister Alexis Tsipras chuan mitthi te hi ni 3 chhung sun an nih tur thu a puang a ni.
Chin hriat lova bo zat hi chhanchhuah hna thawktute chhinchhiah zat aia an tam rin a ni a, tuipui kam vengtu sipaite chuan lawng hmangin dam khaw chhuak an awm em tih an dap mek a, khawmual lama chhanchhuah hna thawktute pawhin in hrang hrang leh lirthei te dap kualin beihpui an thlak mek bawk. Rafina Mayor chuan mitthi zat hi 100 aia an tam a rin thu a sawi a, hiam tuar mi 180 chuang chhinchhiah an ni tawh bawk.
