Govt. T. Romana College-a Political Science Dept. leh Guwahati-a OKD Institute of Social Change and Development \angdunin social science research \angkai zawka hman a nih theih dan tur zir hona an buatsaih chu vawiin khan Aijal Club-ah \an a ni a, Zirtawpni thleng a awh ang.

A hawnna inkhawm Govt. T. Romana College Coordinator, Pi Ramdinliani kaihhruaiah hian Mizoram University-a Internal Quality Assurance Cell Director, Prof. J. Doungel; Govt. T. Romana College Principal, Dr. Jenifer Lalbiakdiki leh Asst. Coodinator, Pu Lalthansanga’n thu an sawi a. He zir honaah hian Research Scholar ten an research tana \angkai tur thil hrang hrang an zir bakah mithiamten zirtirna an pe dawn bawk a ni. He workshop in a tum ber chu Mizoram leh India Hmarchhak-ah social science research \angkai leh hlawk zawkin kalpui a nih theih dan tur an zir ho dawn a ni.