Hnatlanga kal turte chu College a\anga an chhuah hmain an College Principal, Pu Lalhmingthanga’n a fuih a. Serlui hmun an thlen hnuah Aizawl Water Transmission Division-a SDO, Dr. Z.R. |hasangzuala leh a thawhpuite bakah Maubawk Branch YMA in lo hmuakin, luitui humhalh leh ramngaw tichereu lo turin an lo zirtir a. Dr. Z.R. |hasangzuala chuan, Aizawl tuilakna Tlawng chu vawn thianghlim a ngai hle tih sawiin, fur lai chuan tuiluankawra bawlhhlawh paihte tlawng luiah a len thlak \hin avangin tui pump harsa khawpin a awm fo niin a sawi a. Hei hi harsatna thlentu a nih \hin avang hian mitin te an fimkhur a \ulzia hle a ni, a ti. Dr. Z.R. |hasangzuala chuan, Tlawng lui chawmtu Serluiah tihhlima kal mi tam tak an awm \hin tih sawiin, chung mite chuan an thil eina bang leh hmun hmate thianfai lova an kalsan chuan Tawng luiah luang thlain, bawlhhlawh a siam fo thin thu a sawi bawk.
Hnatlangah hian Govt. Hrangbana College zirlai 70 vel leh Maubawk Branch YMA member 100 vel an thawk chhuak a. Nilengin Serlui luidunga bawlhlawhte an chhar khawm a , bawlhlawh an chhar khawm chu Truck phur khat zet a tling a. Haw lamah Dinhmun zawla PHE tui sawngbawlna hmun an tlawh nghal a, Aizawl chawmtu tui tih thianghlim dan leh sawngbawl dan PHE hotuten an lo hrilhfiah a ni.
