Gorkhaland ngiat vanga buaina kal zelah GJM pisa hal a ni

Gorkhaland ngiat avanga Darjeeling-a tiam chin awm lova nawrh huaihawt a nih atanga a ni 57-naah, nimin khan tu tih hriat loh, hmai tuamten Chowkabazar-a Gorkha Janmukti Morcha pisa an hal a, GJM hruaitute chuan police leh district thuneitute tihah an puh. GJM hruaitu, Binay Tamang-a chuan civil mi anga inthuamin police-te hian party pisa hi an hal niin a sawi a, hei hi Gorkhaland ngiata beihpui an thlak mek puh hmingchhiat tuma chetna niin a sawi bawk. Police-te chuan GJM puhna hi thu dik lo niin an sawi a, party chhunga buaina avanga thleng niin an sawi thung a ni. GJM hnathawk zingah tiam chin awm loa nawrh chhunzawm duh lo an awm tih thu an dawng niin police-te hian an sawi bawk.