Garo National Liberation Army hruaitu, Sohan D. Shira chu vawiin khan East Garo Hills-ah kahhlum a ni. Police-te chuan Shira leh a hote nena an inkahna bul velah hian hel dang an la awm nia an hriat avangin mi tam zawk a tirh belh nghal tih a sawi a, boruak a la daih loh avangin mipuite pawh fimkhur tura hriattir an ni tih a sawi bawk a ni. Shira hian kar hmasa lawk khan India ram emaw, India ram danpui emaw dodal an nih loh thu leh Garoland State thar din chauh an ngiat thu leh State thar din a nih atanga ni thum chhunga an silai tun an inpeih thu te pawh a lo sawi tawh a, hemi hnu pawh hian Garo hel pawlte leh Police-te inkahna a thleng nasa hman hle a, Shira hi a bikbo hman zel avangin an man thei lo tih Police-te chuan an sawi a ni.
Chanchin Thar GNLA hel pawl hotu kaphlum
