Traffic Management Co ordination Committee Chairman, Pu R. Lalzirliana’n Aizawl khawpui tawt lutuk tihziaawmna atana December ni 1 a\anga Aizawl khawpui chhunga lirthei nei zawng zawng, Garage nei vek tura hriattirna chu khauh taka ken kawh a ni dawn tih Zonet a hrilh a. Kum khat vel kal tawh a\ang khan lirthei neite chu Garage nei vek tura hriattir an lo ni tawh a, he thupek ngai pawimawh hian mi tam takin Garage an nei tawh a, la nei ve lo pawh eng emaw zat an awm tih hriat a nih thu sawiin, Garage hi mi zawng zawngin an mahni pualin nei vek thei lo mah se, mahni puala nei ve thei lote pawh mi in luah mai tura beisei an ni tih a sawi. Home Minister, Pu R. Lalzirliana chuan, Aizawl khawpui tawt tihziaawmna atana he thil ruahman hi sorkar tan ni lovin, mipui tan a ni tih mipuiten hrethiam se a duh thu sawiin, Aizawl khawpuiah Traffic Jam avangin mipuiten hun an paih nasa a, a bikin Kulikawn leh Bawngkawn inkar te, Aizawl Temple leh Vaivakawn inkarah leh hmun hrang hrangah Traffic tawt avangin hun rei tak tak chhung din a ngaih \hin avangin hun tiam ral hnu, December ni 1 a\ang chuan kawngpui sira lirthei inhung reng reng chu hnuh sawn zel a ni dawn a. A hnuhsawnna man leh a dahna man chu lirthei neituten an chawi a ngai dawn a, a him leh him loh thuah pawh an mawhphurhna a nih vek dawn avangin sorkar thuchhuak hi mipuiten zawm vek thei se a duh thu leh, Aizawl khawpui chu nuam zawka siam turin mipuiten an mawhphurhna hria se a duh thu a sawi a ni.
