Gandhi Jayanti pualin Pu Gandhi-a hriatrengna hmunah sorkar mi pawimawhten pangpar dah

Hnampa, Mahatma Gandhi-a pian champhaphak vawi 148-na, Gandhi Jayanti pualin President Ram Nath Kovind, Vice President Venkaiah Naidu, PM, Narendra Modi leh ram hruaitu dangten vawiin khan New Delhi-a Pu Gandhi-a hriatrengna hmun, Rajghat-ah zahna pangpar an dah. Pu Gandhi-a hi kum 1869, October ni 2 khan Gujarat-a Porbandar khuaah a piang a, South Africa ramah kum 21 a awm a, mihring dikna leh chanvo humhalh kawngah theihtawp a chhuah b^kah, hetih chhung hian politics lamah ngaihdan fel leh nghet tak a siam a ni. Pu Gandhi-a hi Britain laka ramin zalenna a sual chhuah theih nana mi pawimawh leh langsar ber a ni a, tharum thawh lova, muanawm taka Britain sorkar laka nawrh a huaihawt dan leh thlei bik nei loa, ram mipuite intluk tlanna a ngaih pawimawh avang leh ram zalenna leh inpumkhat nana a nun pum a hlan avangin khawvel ngaihsan a hlawh a, Pu Gandhi-a pian champha hi International Day of Non-Violence atan hman a ni.