Japan rama kum 2011, March thlaa lirnghing vanga tui fawn na tak, Tsunami-in a tih chhiat, nuclear kawlphetha hmunpui, Fukushima nuclear power plant-ah Indopui pahnihna hunlaia mi ni a hriat, bomb pakhat chhar a ni a, police-te’n an chhui chiang nghal. He bomb, Indopui Pahnihna hun laia US-in Japan beih nana a thlak ni a rin hi feet 2.9 vela sei a ni a, helai hmuna lirthei dinna sak meka hnathawkte’n an chhar ni a sawi a ni a, a hmutute hian Police hnenah thlenin, hemi hnu hian bomb awmna lai leh a chhehvel chu civil mite kaltlang theih loh tura siam nghal a ni. Kum 1945-a Indopui a tawp atanga kum 70 hnuah pawh Japan-ah hian US-in a thlak, bomb tlawlh hmuh tur a awm fo a, a bikin chhim lama Okinawa thliarkarah phei chuan a tam hle ni a hriat a ni.
Chanchin Thar Fukushima nuclear power plant-ah bomb chhar
