Khawpui hrang hrangah mipui pungkhawmin tuialhthei a\anga chhiah lak tih pun hi an dodal a, mipui pungkhawm thinrim hian vantlang bungrua leh thil pawimawh engemawzat an ti chhia a ni. Prime Minister Edouard Philippe chuan lungawi lohna lantirtute hi inbiakna neihpuiah sawm mahse a hlawhtlin hmain lungawi lohna lantirtute hi inbiakna a\angin an inhnukdawk a ni. Gilets Jaunes tia vuah lungawi lohna lantirtute hian hnathawktute hak \hin kawr chung eng an ha a, sorkar laka lungawi lohna hi hmun hrang hrangah a darh chho zel a ni.
Buaina in\an a\angin mi 3 in nunn an chan tawh a, chutihlaiin Arc de Triomphe hmuna milim tih chhiat a ni chuan dem a hlawh hle thung. Lungawi lohna lantirna hi social media lamin a vaw alh chak hle a, President Emmanuel Macron chuan kum hnih liamta mai khan ram inrelbawlna kalphung siam\hat a tiam avangin hneh taka thlantlin a ni a, tunhnai maiah a dinhmun hi a hniam chak hle a ngaih a ni a, Macron hian politics-a a khingpuite chu hmalak a tumna apiang ti buai zawng zela khawsaah a puh let ve thung a ni.
