France sorkarin ISIS mi firfiak pawl nena inkungkaihna nei an khua leh tui, mi 450 vel Syria-ah hren an nih thu a sawi.

France Foreign Minister Jean-Yves Le Drian chuan Syria hmarchhak bialah France mi, naupang tiamin 400 a\anga 450 vel camp-ah leh lung inah hren an nih thu Parliament Foreign Affairs Committee a hrilh a, France hian a hma a\angin an khua leh tui puitling, Iraq emaw Syria emaw-a man te chu France-a lakluh an nih loh tur thu leh dan an bawhchhiatna hmunah an chungthu rel a ni ang tih a lo sawi tawh a, Le Drian chuan fahrah leh an nute remtihna pek, France naupang te chauh an rama lakluh an nih tur thu a sawi a ni. Thawhlehni khan Baghdad court chuan ISIS pawl an zawm vangin France mi 2 chu thi turin an chungthu a rel a, Iraq-ah hian tun thlengin France mi, ISIS nena inkungkaihna nei mi 6 thi tura chungthu rel an ni tawh a ni.