Jean-Claude Romand-a chet dan hi lehkhabu-a ziah a nih bakah film ah te pawh siam a ni a, tuna kum 65 mi ni tawh hian kum 18 chhung zet doctor angin a inlantir a, a chhungte hnen atanga sum khawn khawmin, heng te hi Switzerland-ah a peipung niin a insawi a, a chet dan hailan a nih dawn lai vel, kum 1993 khan a chhungte hi a that ta chiam a ni.
Romand-a hian Geneva-a inkhuar WHO ah hna a thawk niin a insawi a, hetihlai hian a tak takah chuan France leh Switzerland ramri velah a tei hawi thung a, ram dangah te zin kual anga insawiin, hna pawimawh tak thawk angin a inlantir \hin a ni.
Kum 1993-a a nupui leh a fate bakah a nu leh pa a thah thubuaiah hian kum 1996 ah thiam loh chantir a ni a, kum 26 chhung lungin-a a tan chhung hian a inchhirin, sakhaw lam pawh a ngaihsak hle nia sawi a ni a, a nupui unaupa chuan tuna parole-a chhuahtir ani ta hi na takin a sawisel a ni.
