France ram mi Jean-Jacques Savin, kum 71 mi in lawng pangngai ni lo, barrel anga siam hmanga Atlantic tuipui kan tumin zinkawng a \an a, khawl engmah hmang lovin, tuifawn chakna hmanga tuipui kan a tum a ni.

Jean Jacques Savin hian Spain Canary thliarkar a\angin a zinkawng hi a \an a, thla thum tling lo deuh chhungin Carbbean thlen theih a tum a ni. Zinna atana a hman Barrel anga duan bawm chhungah hian mutna tur bakah choka leh bungraw chhek khawlna hmun te a siam a, a zin kawngah hian tunhnu zela tuipui chanchin zirmiten tuifawn dan an zir theihna tur a hnutchhiah zel dawn a ni. Savin-a hi sipai bang a ni a, park enkawltu leh pilot hnate pawh lo thawk tawh a ni a, a zinna barrel hi metre 3-a sei, metre 2.10-a zau a ni a, tuifawn na zual leh sangha lian te pawhin an beih dawl zo tura duan a ni a, ni zung chakna hmanga power siam chhuahna pawh dah tel a ni.