Food Civil Supplies & Consumer Affairs Minister, Kolasib bialtu ni bawk Pu K. Lalrinliana’n India National Hockey Player Lalremsiami chu a pa Pu Lalthansanga Zote-in a boral san vangin a ral a, Lalremsiami chu sorkarin in hmun a pek tur thu a sawi.

India tana hockey khel-a Japan rama Lalremsiami a cham mek laiin a pa Pu Lalthansanga Zote hi kar kalta Zirtawpni khan a thi a ni. Pu K Lalrinliana hian sorkar rem tihpuinain Lalremsiami hi in hmun pek a nih tur thu a sawi a, remchang hmasa berah enfel a ni ang a ti a, hapta lo awm leh tur chhungin sorkar pawhin ralna thilpek hlan a tum a ni a ti bawk. Lalremsiami hi a nu hovin Kolasib College vengah an khawsa mek a ni.