Food, Civil Supplies & Consumer Affairs changtu Minister of State Pu K Lalrinliana’n Bairabi Zophai-a mosque satu hnam dang te chu an mosque sakna hmun chu Mizoram chhung a nih avangin Mizoram sawrkar thu ngai chang tur leh Mizote tana harsatna siam lo turin a hrilh.

Mizoram sorkar thuchhuah tarlan danin Minister Pu K Lalrinliana hian vawiin khan Bairabi Zophai hi a tlawh a ni.

Bairabi a COVID-19 Screening point pawh Minister hian a tlawh a, Bairabi rail station – a khual zinte endikna hmun tur pawh tlawhin thawktute hian an harsatna tawh te an lo thlen a, mipuite chu chiai mai lo tura chahin mipuite himna tur leh an fimkhur thiamna turin sorkarin hma a la a ni a ti.