Hemi puala inkhawm Chaltlanga Tavern Guest House-a neihah thusawiin Pu K Lalrinliana chuan chungkaw tin mamawh eirawngbawlna Gas mipuiin awlsam zawka an hmuh theihna atana Spice Gas Company-in Bottling Plan Mizorama an bun tur chu Mizoram mipui tan thil \angkai tak tur a ni tih a sawi. Pu K. Lalrinliana chuan tuna Mizoram chawmtu ber Assam-a Borkhola leh Mualkhang Gas Bottling Plant chuan an chawm hneh tawk lova, hei vang hian eirawngbawlna Gas indaihlohna a nasa hle tih a sawi a, Spice Gas Bottling Plant hman theih a nih hunah harsatna engemawchen chu a phuhruk theih a beisei thu leh mi harsa zawk te tan pawh awlsam taka Gas lei theiha awm tur chu \ha a tih thu sawiin ramngaw chereu tur pawh a ven theih dawn niin a sawi.
Mizorama Spice Gas Bottling Plant thar hi Muallungthua Pawihchhek, Phunchawngzawlah din a ni dawn a, thla 5 chhunga hnathawh zawh hman tumin August thlaah chuan mipuite hnena gas hralh chhuah \an theih an inbeisei. He bottling plant a\ang hian ni khatah gas bur 6,000 thun thei tura ruahman a ni a, Gas mamawhtuten an duh ang zat lei theiha siam an a ni dawn a ni.
Inkhawm hi Spice Gas Mizoram Chairman, Dr. Lalbiakmawia Ngente-in a kaihruai a, Minister hi Education Minister, Pu Lalchhandama Ralte-in a \awiawm a ni.
