Coronavirus, Covid-19 hrileng avangin ei leh bar leh nitin mamawh harsat hlauthawng-a chiai an awm tih dept. thuchhuah chuan a tarlang a. Tun dinhmunah Supply Kudam hrang hrangah buhfai quintal nuai 1 sing 6 sang 8 chuang leh FCI Kudamah quintal nuai 1 sing 6 vel a awm mek tih Supply Dept. hian an sawi a, mipuiin harsatna an tawh lohna turin tunkar chhung ngeiin retailer ten buhfai an sem theihna tura hmalak a ni, an ti. Supply Dept sawi danin, Aizawlah petrol leh diesel litre nuai 2 sing 5 chuang ve ve a awm bakah kawng laka thang mek \hahnem tak a awm a, IOC pawhin tuialhthei leh eirawngbawlna gas-ah Mizoramin harsatna a thlen loh tur thu supply dept an hrilh bawk a. Nitin mamawh state dang a\anga lakluh kawngah harsatna a awm lo a, engkim tluang takin a kal a ni.
Nitin mamawh zuartu dawrkaite chu an thil zawrh chheprelh lo tur leh thil man tisang lo turin Supply Dept. hian a hriattir a, thupek zawm lote chu The Prevention of Black and Maintenance of supplies of essential commodities Act 1980, LPG control Order 2000 leh Consumer Protection Act 2019 hmanga hrem an ni ang tih Supply Dept hian a sawi.
