Associated Chambers of Commerce and Industry of India buatsaihin vawiin khan Internet kaltlanga inrawnkhawmna- Union Minister of State for Fisheries, Pu Pratap Chandra Sarangi hova neih a ni a. Mizoram Fisheries Minister, Pu K Lalrinliana hian, hri leng vanga Mizorama sangha khawituten harsatna an tawh hrang hrang a tarlang a. Inkharkhip a nih avanga Sangha no khawi tur leh a chaw lakluh kawnga harsatna an tawh dan te, Sangha dil enkawl that theih loh a tam thu leh hemi vanga sangha thar a tlem phah a rin thu a sawi a. Central Sorkar-in PMMSSY Scheme thar a siam behchhanin Sangha khawi leh hralhna kawngah Mizoramin ngai awh chhoh theih a beisei thu a sawi bawk.
