Finance Minister, Pu Lalsawta chuan vawiina kum 2017-2018 sorkar kum ral ta-ah sorkar sum hman zawh loha liam tur a awm lo tih a sawi. ZONET zawhna chhangin Finance Minister chuan sorkar laipuiin Planning Commission a nuai bo hnuah Plan sum, a hmanna tura hman zawh loha liam a awm thei tawh lova, sum hman zawh loh awm te chu kum thar atan a tih nun leh theih tawh avangin Planning Commission awm laia sorkar sum hman zawh loh vanga liam ang kha a awm dawn tawh lo niin a sawi a ni. Hetihlai hian sorkar bill chi hrang hrang District hrang hranga l<t te pawh vawiin khan chinfel hman a ni.
Aizawl North leh South Treasury te pawhin sorkar kum liam turah sum hman zawh loha kir a awm loh an beisei thu ZONET an hrilh a, Department hrang hranga Drawing & Disbursing Officer-te a\anga bill lut te chu an pass kim vek tawh thu sawiin, vawiin chhun khan a hnukhawi tlem te chauh pass hmabak an la nei tih an sawi a ni. Treasury Officer-te chuan tun hmalam anga sorkar kum thar dawna tlaivar dawn dawna hnathawh ngai \hin ang kha kuminah chuan a awm lo niin an sawi a, kum dang aia an buai loh nachhan chu sorkar sum dinhmun a \hat vang nia sawiin a hun takah an hna thawh tur chin pawh an zo thei niin an sawi a ni. Treasury Officer-te chuan vawiin kha pisa kai ni ni lo mah se, sorkar kum thar tur avanga thil tihfel ngai a awm avang leh GAD a\anga pisa kai tura thupek an dawn avangin pisa an kai niin an sawi a ni.
